FƏTÖ terror təşkilatının Silahlı Qüvvələrə sızmış tərəfdarlarına qarşı aparılan əməliyyatların detalları məlum olub.
Metbuat.az-ın məlumatına görə, dünən İstanbul prokurorluğunun 360 nəfərin, o cümlədən 333 hərbçinin həbsi barədə qərar çıxarmasından sonra 49 ünvanda, həmçinin hərbi hissələrdə əməliyyat keçirilib. Reydlər zamanı 164 nəfər saxlanılıb.
Bildirilir ki, həbs qərarı çıxarılan hərbçilərdən 117-si bir müddət əvvəl Silahlı qüvvələrdən ixrac edilib.
Onlardan 10-u xaricə qaçıb. Qalan 216 nəfə isə hələ də ordu sıralarındadır. Bu şəxslərdən 13-ü pilotdur. Digər şübhəlilərin saxlanılması üçün əməliyyatlar davam etdirilir.
Sübhan / METBUAT.az
