"Böyrəklərimdə ciddi problemlər var, hələ də aradan qalxmayıb"

"Böyrəklərimdə ciddi problemlər var, hələ də aradan qalxmayıb"
10:57 8 Aprel 2015
Ölkə mətbuatı
A- A+

Bir neçə ay bundan əvvəl müayinə olunmaq üçün Türkiyəyə aparılan tanınmış şair Musa Yaqubun səhhətində irəliləyişlər var. Amma şair hələ də xəstəliklə mübarizə aparır
Bu barədə publika.az-a şair özü məlumat verib. Özünü nisbətən yaxşı hiss etsə də, hələ ki səhhətindəki problemlərin aradan qalxmadığını deyən Musa Yaqub həkim nəzarəti altında müalicəsini davam etdirir:
 
“Böyrəklərimdə ciddi problemlər var, hələ də aradan qalxmayıb. Bir yandan da ürəyim narahatlıq verir, həkimlərin diaqnozuna görə, ürəyimdə işemiya var. Çox hərəkət edə bilmirəm, bir az yeriyən kimi taqətdən düşürəm. Həkimlər də mənə diqqətli olmağı tapşırıblar. Deyirlər, əsəbləşmə, stresdən uzaq ol”.
 
İşləyə bilmədiyini deyən şair çoxdandır yeni şeirlər yazmadığını da bildirib: “Mən elə əvvəldən də beləydim ki, ürəyim dolurdu və sonradan kağıza boşaldırdım. İndi də içimdəkilər yığılıb-yığılıb sonradan şeirə çevriləcək”.
 
Şair dostlarından da razılıq etdi: “Sağ olsunlar, məni yaddan çıxarmırlar. Tez-tez zəng edib hal-əhval tuturlar. Eşitmişəm, Fikrət Qoca da xəstələnib, Türkiyədə müalicə olunaraq qayıdıb. Səhhətim imkan vermir ki, ona da baş çəkim".

Milli.Az


Xəbərin orijinal ünvanı: http://news.milli.az/culture/333372.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
loading...

RƏYLƏR

BU KATEQORİYADAN DİGƏR XƏBƏRLƏR