Komitə: “Avro-4” standartına cavab verməyən avtomobilləri Azərbaycana gətirərək satanlara qarşı tədbirlər görülür

12:12 8 Aprel 2015
Ölkə mətbuatı
A- A+

[ 08 Aprel 2015 12:09 ]


Bakı. Aqşin Rafiqoğlu - APA-Economics. “Avro-4” ekoloji standartına cavab verməyən nəqliyyat vasitələrini Azərbaycana gətirərək satışını təşkil edən şəxslərə qarşı müvafiq tədbirlər görülür.

 

APA-Economics”in məlumatına görə, bunu jurnalistlərə Azərbaycan Dövlət Gömrük Komitəsinin sədri Aydın Əliyev deyib.

 

“Sərhəddə bəzi işbazlar köhnə, yəni “Avro-4” standartlarına cavab verməyən maşınları müvəqqəti gətirir Azərbaycana. Bundan sonra həmin nəqliyyat vasitələrinin ölkə ərazisində qeyri-rəsmi satışını təşkil edir”, - deyə komitə sədri bildirib.

 

A. Əliyev əlavə edib ki, işbazlar həmçinin Azərbaycan ərazisində həmin nəqliyyat vasitələrinin ehtiyat hissələrinin satışını da təşkil edir. “Buna qarşı da biz müvafiq tədbirlər həyata keçiririk”, - deyə o qeyd edib.

 

Komitə sədri onu da bildirib ki, ümumilikdə cari ilin 2 ayı ərzində Azərbaycana gətirilən nəqliyyat vasitələrinin sayında azalma müşahidə olunur.


Xəbərin orijinal ünvanı: http://az.apa.az/news/378836

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR