Dünyada mobil telefonlar üçün ən populyar messencer proqramına çevrilmiş Whatsapp-da yeniliklər hazırlanır.
Milli.Az Gizmodo-ya istinadən bildirilir ki, Facebook sosial şəbəkəsinin smartfonlar və planşetlər üçün nəzərdə tutulmuş proqram əlavəsinin yeni, v31.0.0.7.13 versiyası Whatsapp-la birbaşa əlaqədə olacaq.
Yəni smartfonunda və ya planşetində Facebook-dakı profilinə daxil olan hər kəs oradan çıxmadan Whatsapp vasitəsilə mesaj, foto, fayl və ya video yollaya biləcək.
"Paylaş" butonunun yanında olacaq "WhatsApp-a göndər" seçimi hələlik yeni variantın beta versiyasındadır.
Sistem sınaqlardan keçirilərək tam hazır sayılandan sonra Facebook proqram əlavəsinin iOS və Android əməliyyat sistemləri üçün variasiyalarında yenilənmədən sonra işə düşəcək.
Milli.Az
