Qədim sikkələr muzeyə təhvil verildi

Bu yaxınlarda AMEA Milli Azərbaycan Tarixi Muzeyinə "BakuBus"-dan tapılan qədim sikkələr təhvil verilib.

Muzeydən Metbuat.az-a verilən məlumata görə, naməlum şəxs tərəfindən avtobusda unudulmuş sikkələr mühüm tarixi əhəmiyyət kəsb edir.

Bildirilir ki, "BakuBus" MMC-nin Mətbuat və ictimaiyyətlə əlaqələr şöbəsinin müdiri Mansur Piriyev və şöbənin mütəxəssisi Şəfa Hümbətova bildirib ki, avtobusda tapılan sikkələrin sahibi tapılmayıb.

Müvafiq orqanlara bununla bağlı məlumat verdikdən sonra tapılan sikkələrin Milli Azərbaycan Tarixi Muzeyinə verliməsi məqsəduyğun hesab edilib. 32 ədəd sikkə Muzeyin Numizmatika və epiqrafika şöbəsinin müdiri, numizmat alim, professor Əli Rəcəbli tərəfindən tədqiq edilib və müəyyənləşdirilib.

Sikkələr XV əsrdə zərb olunmuş mis sikkələrdən və Şirvanşah Şahruxun dövründə (XVI əsr) kəsilmiş gümüş təngədən ibarətdir. Materiallar Muzeyin Numizmatika fonduna təhvil verilib.

Yarat Müasir İncəsənət Mərkəzində möhtəşəm tədbir - "Dünya uşaqların gözü ilə"


Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR