Bakı. 13 dekabr. REPORT.AZ/ ABŞ-ın Federal Ehtiyat Sistemi (FED) uçot dərəcəsini 0,25% - 1,25%-dən illik 1,50%-ə qədər artırıb.
"Report" xəbər verir ki, bu barədə FED-in mətbuat xidməti bildirib.
Qeyd edək ki, bu, 2017-ci ilin iyunundan faiz dərəcəsinin artımı haqqında ilk qərardır. FED bundan əvvəl uçot dərəcəsini iki dəfə - martda və iyunda artırıb.
Federal Ehtiyat Sisteminin Açıq Bazar Əməliyyatları üzrə Komitəsinin iki günlük iclası bununla başa çatıb.