Ağdaşda qətlə yetirilən şəxsin kimliyi bilinib.
Məlumata görə, bu gün səhər saatlarında qətlə yetirilən 2000-ci il təvəllüdlü Ağdaş şəhər sakini Nəsibov Ətraf Nəsib oğlu Ağdaş Dövlət Humanitar Kollecinin 3-cü kurs tələbəsidir.
Məlumata görə, onu həmyaşıdı olan Hacıyev Tərlan Fikrət oğlu kürək və ürək nahiyəsindən bıçaqla vuraraq qətlə yetirib.
Hadisənin hansı səbəbdən baş verdiyi məlum deyil.
Hüquq-mühafizə orqanlarının əməkdaşları hadisə yerindədirlər.
Faktla bağlı Ağdaş rayon Prokurorluğunda araşdırma aparılır. //APA
