Amerikanın “New York Knicks” – “Los Anceles Lakers” basketbol komandaları arasında keçirilən matç məşhur simaların kölgəsində qalıb.
Publika.az xəbər verir ki, matçda tamaşaçı qismində iştirak edən məşhur model Bella Hadid bütün diqqətləri öz üzərinə çəkib.
“New York Knicks” azarkeşi olan məşhur rejissor Spayk Li, amerikalı futbolçu Odel Bekhem, Maqik Conson, Lavar Ball, Liancelo Ball, Lamelo Ball kimi simalar da iştirak edib. Ancaq qarşılaşmaya damğa vuran dərin sinə dekoltesi ilə Bella Hadid olub.
Adətən sərt zarafat üslubu, qaşqabaqlı halları ilə tananın Bella matç əsanasında olduqca əyləncəli və keyfi yerində görünüb. Azarkeşlik etdiyi “Lakers” komandası az fərqlə məğlub olsa da, model matçın dadını çıxarmağı üstün tutub.
Ən son “Victoria's Secret” dəfiləsində diqqətləri üzərinə çəkən Bella Hadid ictimai məsələlərdə də aktiv iştirak edir.
Zümrüd
