Moskva. 14 dekabr. REPORT.AZ/ "Rusiyada milli məsələlər üzrə kəskin vəziyyət yoxdur. İnsanları öz doğma dilini öyrənmək imkanı ilə təmin etmək lazımdır".
"Report" xəbər verir ki, bunu Rusiya Prezidenti Vladimir Putin Moskvada keçirilən 13-cü illik mətbuat konfransında deyib.
Tatarıstandan olan jurnalistin sualını cavablandıran Rusiya prezidenti milli məsələ ilə bağlı yuxarılardan heç bir təzyiq olmadığını və olmayacağını söyləyib.
"Rusiyada hər bir xalqın ölkədə yaşayan digər xalqın nümayəndələri ilə ünsiyyət formasını özünün seçmək hüququ var. Mən prezident olduğum müddətdə regionların birləşdirilməsi, genişləndirilməsi olmayacaq", - V.Putin bildirib.
