Ankara “S-400”-lərə dair sazişin imzalanacağı vaxtı açıqladı

Ankara “S-400”-lərə dair sazişin imzalanacağı vaxtı açıqladı
21:14 14 Dekabr 2017
86 Digər
Ölkə mətbuatı
A- A+

“Ankara “S-400” komplekslərinin əldə olunmasına dair sazişi Moskva ilə bu həftə imzalaya bilər. Kreditləşmə məsələsi ilə bağlı razılıq demək olar ki artıq əldə olunub”. APA-nın “RİA Noovosti”yə istinadən verdiyi xəbərə görə, bu barədə Türkiyə XİN rəhbəri Mövlud Çavuşoğlu bildirib.      

 

““S-400”-lə bağlı heç bir problem yoxdur. Kreditləşmə məsələsi ilə bağlı razılıq əldə olunub, yalnız detallar qalıb. Hazırda hər iki tərəfin mütəxəssisləri məsələ ilə bağlı işi birgə işləməkdə davam edir. İş başa çatdıqda imzalanma olacaq, ola bilsin ki, bu elə bu həftə baş tutdu”, - deyə M.Çavuşoğlu bildirib.   

 

Qeyd edək ki, Türkiyə prezidenti Rəcəb Tayyip Ərdoğan Rusiya prezidenti Vladimir Putinlə keçirdiyi danışıqların yekunlarına dair bildirmişdi ki, Ankara cari həftə ərzində Rusiyadan “S-400” zenit-raket komplekslərinin tədarükünə dair məsələni həll edəcək. 

 

V.Putin isə, öz növbəsində, iki ölkə arasında  hərbi kredit sazişinin yaxın zamanda imzalanacağına ümid etdiyini bildirib. 


Xəbərin orijinal ünvanı: http://news.lent.az/news/290157

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR