Lənkəran. 14 dekabr. REPORT.AZ/ Lənkəranın Balıqçılar qəsəbəsində silahlı insident nəticəsində yeniyetmə dünyasını dəyişib.
"Report"un Cənub bürosu xəbər verir ki, ilkin məlumata görə, Kamran adlı 15 yaşlı yeniyetmə ehtiyatsızlıqdan özünü odlu silahdan açılan atəş nəticəsində yaralayıb.
Nəticədə o, suya yıxılıb və orada köməksiz vəziyyətdə qalaraq boğulub.
Hadisə baş verən zaman onun yanında kiminsə olub-olmadığı öyrənilir.
Faktla bağlı rayon prokurorluğunda araşdırma aparılır.