Bakı. 15 dekabr. REPORT.AZ/ "Beynəlxalq olimpiadaların qaliblərinin dövlət sifarişli ixtisaslara müsabiqədənkənar qəbul olunması barədə təkliflər hazırlanıb".
"Report" xəbər verir ki, bunu Azərbaycanın gənc alimlərinin I qurultayında təhsil naziri vəzifəsini icra edən Ceyhun Bayramov deyib.
Onun sözlərinə görə, təklifləri Təhsil Nazirliyi hazırlayıb: "Layihə yaxın günlərdə Nazirlər Kabinetinə təqdim olunacaq".
C.Bayramov qeyd edib ki, dövlət istedadlı gənc aşkarlanması üçün tədbirlər həyata keçirir: "Hazırda orada məktəblərdə kiçik akademiyalar fəaliyyət göstərir. Bu akademiyalar şagirdləri məktəb illərində elmi tədqiqatlar aparmağa sövq edir".
Onun sözlərinə görə, 2013-cü illə müqayisədə 2017-ci ildə beynəlxalq fənn olimpiadalarına 7 dəfə çox şagird qatılıb.
