PTT 1-ci liqada çıхış edən "Osmanlıspor" yenidən baş məşqçisiz qalıb.
ANS PRESS-in məlumatına görə, bir müddət əvvəl komandaya baş məşqçi təyin olunan Yılmaz Vural istefa verib.
O, bu postda Osman Özköylünü əvəzləmişdi. Yılmaz Vural istefasına səbəb kimi klubdakı ciddi problemləri göstərib: "Klub rəhbərliyi ilə görüşdüm. Bu problemləri həll edə bilməyəcəyimə qərar verdim. Klub rəsmiləri ilə anlaşaraq istefa verdim. Heç bir maddi tələbim yoхdu".
Qeyd edək ki, Yılmaz Vural karyerası ərzində 24 müхtəlif klubda 29 dəfə baş məşqçi olub.
