Əhməd Arıman 23 yaşlı sevgilisi Kader Kaynakla evlənib.
Publika.az “Hurriyet”ə istinadən xəbər verir ki, aktyorun toyu dünən baş tutub. Cütlük nikah öncəsi mətbuat nümayəndələrinin suallarını cavablandırıb.
62 yaşlı Arıman həyat yoldaşının ondan 39 yaş kiçik olması haqqında bunları deyib:
"Heç kimə pislik etməmişik. İçimiz çox rahatdır. Millət arxamızdan danışır, nə istəyirlər etsinlər. Bu qədər bəsitdir. Mən özümü qocalmış hiss etmirəm. Harada bitərsə, bitər. Mən də istərdim bir az daha yaşı çox olsun. Nə edək? Taleyimizdə bu varmış".
Qeyd edək ki, Əhməd Arıman "İkinci Bahar", "Hayal Köy", "Koçum Benim", "Büyük Buluşma", "Öyle Bir Geçer Zaman Ki", "Poyraz Karayel" kimi seriallarda rol alıb.
