Fransanın paytaxtı Parisdə satirik “Şarl Hebdo” jurnalına 12 nəfərin ölümü ilə nəticələnən terror hücumunu bəzi kələkbazlar biznesə çeviriblər. ANS PRESS-in məlumatına görə, hadisənin üstündən 48 saat keçmədən internetdə, üzərində jurnalın adı yazılmış məhsulların satışı başlayıb.
Artıq üzərində “Charlie Hebdo”, “Je Suis Charlie”, hücumun baş verdiyi tarix və s. yazılar olan köynək, kepka, fincan, çanta, papaq, yapışqanlı etiket, yaxa nişanı, alışqan və hətta körpə geyimləri virtual mağazalarda müxtəlif giymətə satışa çıxarılıb.
Satılan məhsullarının bazar qiymətindən baha olduğu müşahidə olunsa da satıcı bu məhsullardan az qaldığını və tezliklə tükənəcəyini iddia edir.
