Dubaydan Nigeriyanın paytaxtı Laqosa uçan "Emireyts" aviaşirkətinə məxsus sərnişin təyyarəsində ölüm hadisəsi olub.
Publika.az xəbər verir ki, bu barədə "Arabian Business" nəşri məlumat yayıb.
Hadisə dekabrın 15-də baş verib. Ekipaj üzvləri sərnişinin oturacaqda huşsuz vəziyyətdə olduğunu aşkarlayıb. Həmin vaxt təyyarə enişə hazırlaşırmış. Sərnişinlər nə qədər kömək etməyə çalışsa da, huşsuz adamı özünə gətirmək mümkün olmayıb. Laqosda həkim müayinəsindən sonra onun öldüyü təsdiqlənib. Ölümün səbəbləri barədə məlumat verilməyib.