Bakı. 18 dekabr. REPORT.AZ/ Ukraynanın Təhlükəsizlik Xidməti (UTX) Odessanın sabiq qubernatoru Mixeil Saakaşvilini dekabrın 22-də istintaqa çağırıb.
"Report" "Gazeta.ru"ya istinadən xəbər verir ki, bu barədə qurumdaxili mənbələr məlumat yayıb.
"Saakaşvili dekabrın 22-də UTX-nin Kiyev İdarəsinə istintaq qarşısına çağırılır", - deyə mənbələrdən biri bildirib.
Bir müddət əvvəl bildirilirdi ki, M.Saakaşvili Ukrayna Prokurorluğuna ifadə verməkdən imtina edib.
