[ 10 Yanvar 2015 10:30 ]
Bakı. Fuad Cəfərov - APA. Müvafiq qurumlar ölkə ərazisində bütün yolları qardan təmizləyib.
Baş Dövlət Yol Polisi İdarəsindən (BDYPİ) APA-ya verilən məlumata görə, hazırda respublikanın magistral yollarında nəqliyyat vasitələrinin hərəkətində heç bir problem yoxdur.
İdarədən həmçinin bildirilib ki, ötən gün respublika ərazisində 13 yol qəzası baş verib. Nəticədə 3 nəfər ölüb, 19 nəfər xəsarət alıb.
