Dünyanın ən məşhur sosial şəbəkəsi olan Facebook ana səhifədəki paylaşımlarla bağlı ciddi dəyişiklik etməyə hazırlaşır.
Metbuat.az xəbər verir ki, Feysbukun qurucusu Mark Zükerberqin yaydığı məlumata görə, artıq ana səhifələrdə səhifə paylaşımları və xəbərlərə az yer veriləcək. Ana səhifələrdə dostların paylaşımları üstünlük təşkil edəcək.
"İstifadəçilərimiz hər kəsə açıq olan paylaşımlarla bağlı şikayət ediblər. Onlar bildiriblər ki, reklamlar, biznes səhifələri və xəbərlərdən dostlarının paylaşımlarını görmək imkanı olmur", - deyə qeyd edən Mark bildirib ki, yaxın günlərdə bu şikayətlə əlaqədər olaraq ana səhifədə paylaşımlarla bağlı ciddi dəyişiklik olacaq.//Milli.az
