İtaliyalı rejissor Franko Ceffirelli seksual təcavüzdə ittiham olunur.
Bu barədə aktyor Conaton Şek açıqlama yayıb. O, xarici mətbuata açıqlamasında bildirib ki, 22 yaşında filmə çəkilərkən Ceffirelli öncə sözlə aktyoru yolundan çıxarmağa çalışıb. Daha sonra isə gecə vaxtı onun otağına gəlib. Lakin Şek qapını arxadan bağlayaraq, Frankodan yaxa qurtara bilib.
Lakin Siciliyada başqa bir çəkiliş zamanı Ceffirelli istəyinə çatıb. Conatanı dinləyək: "O, mənimlə eyni otaqda qalan həmkarımın çıxdığını öyrənərək otağıma gəldi. Həmin vaxt mən yatırdım. O, elə şeylər edirdi ki, bunu təsəvvür belə edə bilməzdim. Amma olanlara görə heç də qürur hissi keçirmirəm".
Ceffirellinin oğlu Pippo atasına qarşı sürülən bu ittihamlara cavab olaraq bildirib ki, hazırda 94 yaşı olan rejissor haqda deyilənlərin qətiyyən inandırıcı deyil.
Qeyd edək ki, Franko Ceffirelli açıq geydir. O, "Romeo və Cülyetta", "Mussolini ilə çay" və daha bir neçə film çəkib. Rejissor öz avtobioqrafiyasında qeyd edib ki, "homoseksual təcrübə heç də həmişə oğlanlara zərər vurmur"./ YeniÇağ
