Türkiyə Silahlı Qüvvələri və Azad Suriya Ordusu PYD-nin
(PKK terror təşkilatının Suriya qanadı - red.) işğalında olan
Suriyanın Afrin bölgəsini təmizləmək üçün hazırlıqlarını davam
etdirir.
Türkiyə Prezidenti Rəcəb Tayyib Ərdoğan bu gün verdiyi
açıqlamasında Afrin əməliyyatının hər an başlaya biləcəyini deyib.
Ölkə sərhədlərində terror ordusunun qurulduğunu deyən Ərdoğan qeyd
edib ki, Türkiyənin üzərinə düşən iş onu qurulmadan boğmaqdır.
“PYD, YPG, PKK, DEAŞ... Nə olursunız-olun, sizi məhv edəcəyik.
Bunun başqa yolu yoxdur. ABŞ sərhəddə 30 min nəfərlik ordu qurur.
ABŞ-ın artıq söz oyunlarından imtina edərək gerçək niyyətini
açıqlamasını istəyirik”, - Türkiyə prezidenti bildirib.
Ərdoğan qeyd edib ki, 30 min nəfərlik ordu onu quranları tam
təmsil edə bilməyəcək və strateji tərəfdaşı qarşısında rüsvay
olacaqlar.
“Hər an başlaya bilər” - Ərdoğan “Mehmetcik”in HƏDƏFLƏRİNİ AÇIQLADI
Türkiyənin “Sabah” nəşri isə Ərdoğanın “ordu qurduğunu hesab
edənlər, bir həftə keçmədən necə darmadağın edəcəyimizi görəcəklər”
sözləri ilə anonsunu verdiyi Afrin əməliyyatının detalları barədə
yazıb. Nəşrin xəbərinə görə, Türkiyə ordusu Afrini tamamilə
müşahidə edə bilən 4 strateji nöqtədə yerləşdirilib.
Plana görə, xüsusi təyinatlı qüvvələrin (“Bordo Beretlilər”,
sualtı hücum (SAT) və sualtı müdafiə (SAS) – red.) hərəkətə keçməsi
ilə əməliyyat başlanacaq. Dünyanın ən yaxşı xüsusi təyinatlı
qüvvələrindən olan “Bordo Beretlilər”, həmçinin yaradıldığı 1960-cı
illərdə “dünyanın ən təhlükəli əsgərləri” adlandırılan SAT/SAS
birlikləri ilə terrorçulara ağır zərbələrin endirilməsi
planlaşdırılır.
Dünyanın ən təhlükəli əsgərlərindən MƏHVEDİCİ ZƏRBƏ - “Mehmetcik”in müharibə planının DETALLARI - VİDEO
Türkiyə KIV-i anons edilən əməliyyat öncəsi Afrindəki son
vəziyyət, bölgənin demoqrafik quruluşu, YPG (PYD-nin silahlı qanadı
- red.) və YPJ-nin (YPG-nin qadınlardan ibarət bölməsi - red.)
tərkibindəki döyüşçülərin sayı barədə yazıb. Maraq doğuran digər
bir məsələ Afrində ABŞ və Rusiya hərbçilərinin sayıdır.
Publika.az Türkiyə KİV-inə istinadən bu
sualların cavablarını fotoqrafiklərlə təqdim edir.
1. Afrindəki son vəziyyət
2. Afrində demoqrafik quruluş
Afrin əhalisi 500 min təşkil edir. Əhalinin yarısı ərəblərdən
ibarətdir. Kürdlər sayca ikinci yerdədirlər. Türkmanlar isə Afrin
əhalisinin 8 faizini təşkil edir.
3. Terror təşkilatının hərbi gücü
Afrində PYD-nin döyüşçülərinin sayı 13 minə çatır.
4. Afrində ABŞ və Rusiya hərbçilərinin sayı
Rəsmi rəqəmlərə görə, Suriyada ABŞ-ın təxminən 2 minlik elit
qoşunu var. Onların yarısı Afrindədir. Bölgədə təxminən 70 Rusiya
hərbçisinin olduğu bildirilir.
Ömər Dağlı
Xəbərin orijinal ünvanı: http://publika.az/news/dunya/227813.htmlŞahid olduğunuz hadisələrin video və ya fotosunu çəkərək bizə göndərin: 0552252950 (Whatsapp)