ABŞ-ın Corciya ştatında baş verən yanğın zamanı xilasedicilərdən biri üçüncü mərtəbədən yerə atılan uşağı xilas edib.
Publika.az "RİA Novosti"yə istinadən xəbər verir ki, qızını alovdan xilas etmək istəyən ata, onu yanğınsöndürənlərinqucağına atıb. Yanğın zamanı ümumilikdə 12 nəfər, o cümlədən 8 yetkinlik yaşına çatmayan şəxs təxliyyə edilib.
"Biz uşaqları, sözün hərfi mənasında, futbol topu kimi tuturduq", - deyə briqada kapitanı bildirib.
Yanğınsöndürənlərin tutduğu uşaqlar zərər çəkməyiblər. Qızın atası II dərəcəli yanıq xəsarətləri ilə xəstəxanaya yerləşdirilib.