Türkiyə Silahlı qüvvələri Suriyanın Afrin bölgəsində PYD
terrorçularına ilk zərbələri endirib. Türkiyə Silahlı qüvvələrinin
“Fərat Qalxanı” əməliyyatından sonra Suriyada həyata keçirəcəyi
ikinci əməliyyatın detalları məlum olub. ABŞ bu il ərzində
səfirliyini Qüdsə köçürəcək. ABŞ-ın Rusiyaya qarşı ən güclü
sanksiyaları yanvarın 29-da elan ediləcək. Cənubi Koreya və Koreya
Xalq Demokratik Respublikasının (KXDR) nümayəndə heyətləri növbəti
danışıqlar keçirilib.
Azərbaycan Xarici İşlər Nazirliyinin (XİN) mətbuat
xidmətinin rəhbəri Hikmət Hacıyev BMT-nin Baş katibi Antonio
Quterreş tərəfindən BMT Baş Assambleyasının 16 yanvar tarixli
qeyri-rəsmi iclasında Avropada mövcud olan münaqişələr sırasında
Ermənistan-Azərbaycan Dağlıq Qarabağ münaqişəsinin həlli üzrə
ATƏT-in Minsk Qrupunun fəaliyyətinin canlandırılması üzrə
çağırışını şərh edib.
H.Hacıyevin sözlərinə görə, BMT Baş katibi tərəfindən çox düzgün
olaraq qeyd olunur ki, Avropada mövcud olan resurslar, imkanlar və
təsisatların fonunda münaqişələrin həll edilməmiş formada qalmasına
bəraət qazandırıla bilməz.
XİN: Quterreşin Dağlıq Qarabağ münaqişəsinin həllinə dair çağırışını dəstəkləyirik
Dağlıq Qarabağ münaqişəsi zonasında yeni gərginlik
regional fəlakətə çevrilə bilər. Bunu Beynəlxalq
Böhran Qrupu proqramının Avropa və Mərkəzi Asiya üzrə rəhbəri
Maqdalena Qrono "Dağlıq Qarabağda siyasət və təhlükəsizlik
bir-birini girov saxlayır" adlı məqaləsində qeyd edib.
Qarabağ münaqişəsi regional fəlakətə çevrilə bilər - Beynəlxalq Böhran Qrupu
Türkiyə Silahlı qüvvələri Suriyanın Afrin bölgəsində
həyata keçiriləcək əməliyyatın ilk mərhələsi olaraq PYD (PKK terror
təşkilatının Suriya qanadı –red.) terrorçularına “reaksiya ölçmə
atəşi” açıb. Afrin və ətrafdakı terrorçuların
hədəflərinə endirilən zərbələr nəticəsində 30 terrorçü
öldürülüb.
Məlumata görə, Afrin əməliyyatında quru güclərini təşkil edəcək
Azad Suriya Ordusunda hazırlıqlar tamamlanıb. 20 minə qədər döyüşçü
Afrinə girmək üçün əmr gözləyir.
Gərginliyin artdığı Afrində vətəndaşlar kiçik qruplar şəklində
qaçmağa başlayıblar. Onların Hələbin şimalına hərəkət etdiyi
bildirilir.
Ərdoğan anonsunu verdiyi MÜHARİBƏ BAŞLADI - İlk zərbədə 30 ölü
Türkiyə Silahlı qüvvələrinin “Fərat Qalxanı”
əməliyyatından sonra Suriyada həyata keçirəcəyi ikinci əməliyyatın
detalları məlum olub. Türkiyənin “Sabah” qəzeti xəbər
verir ki, “Mehmetcik” üç mərhələdən ibarət əməliyyat planı
çərçivəsində PYD terrorçularını məhv edəcək.
Məlumata görə, Türkiyə Silahlı qüvvələrinin Baş qərargahında
qurulan xüsusi qrup Suriyadakı hərbi əməliyyatın strategiyasını
tamamlayıb. “İsti plan” adlandırılan hərbi strategiyanın detalları
aşağıdakılardır.
Havadan enərək öldürücü zərbə VURACAQLAR - Üçmərhələli “İSTİ PLAN”
Türkiyə Silahlı qüvvələri Afrin şəhərindən sonra Tel
Abyad bölgəsinin PYD (PKK terror təşkilatının Suriya qanadı - red.)
terror təşkilatından təmizlənməsi üçün əməliyyata başlaya
bilər. Məqsəd ABŞ-ın Suriyanın şimalında həyata
keçirmək istədiyi “sərhəd ordusu” layihəsini məhv etməkdir.
Tel Abyad ABŞ-ın çatdırdığı ağır silahların toplandığı, həmçinin
bir neçə bazanın olduğu ərazidir. Tel Abyadın PYD-dən təmizlənməsi
ilə “terror dəhlizi”nə ağır zərbə vurulacaq və terror təşkilatının
Ayn əl-Arab-Kamışlı bağlantısı kəsiləcək. PYD həyata keçiriləcək
əməliyyatla həm şərq, həm də qərbdən sıxışdırılacaq. Ekspertlər də
hesab edir ki, Türkiyə Afrin əməliyyatı ilə kifayətlənməməli,
növbəti hədəflər Münbic, Tel Rifat və Tel Abyad olmalıdır.
Ankara ABŞ-ın planını DARMADAĞIN EDƏCƏK - Növbəti hədəf ORADIR - VİDEO
“Türkiyənin cənubunda bir terror dəhlizinin
yaradılması 4 ölkənin – Türkiyə, İran, İraq və Suriyanın intiharı
deməkdir”. Bunu “Yeni Şəfəq” nəşrinin internet
saytında yayımlanan “Sosial şərh” proqramında siyasi şərhçi İbrahim
Karagül deyib.
“Bu, dörd ölkənin intiharı olacaq” - ŞOK PROQNOZ
ABŞ-ın Suriyada quracağı 30 min nəfərlik hərbi güc
bölgədə gərginliyi artıracaq və müharibəni
körükləyəcək. Belə xəbərdarlıqla İran prezidenti
Həsən Ruhani çıxış edib.
“ABŞ-ın Suriya ilə bağlı yeni planı beynəlxalq qanunlara ziddir
və Suriyanın müstəqilliyi ilə ərazi bütövlüyünə təhdid yaradır”, -
dövlət başçısı deyib.
Xatırladaq ki, analoji bəyanatla yanvarın 16-da İran Xarici
İşlər Nazirliyinin sözçüsü Bəhram Qasımi çıxış edib. ABŞ-ın
Suriyada quracağı 30 min nəfərlik ordunun regionda gərginliyi
artıracağını deyən Qasımi ABŞ-ın Suriyanı tərk etməli olduğunu
bildirıb.
Qeyd edək ki, ABŞ-ın rəhbərliyi altında İŞİD terror təşkilatına
qarşı mübarizə məqsədi ilə formalaşdırılan koalisiyanın mətbuat
xidmətinin rəhbəri Tomas Vil “Suriya Demokratik Qüvvələri”nə aid 30
minlik sərhəd xidmətinin yaradılacağını bəyan edib. Onun əsasını
PYD terror təşkilatı təşkil edəcək. Sərhəd ordusu Suriyanın Türkiyə
və İraqla olan sərhədlərini mühafizə edəcək.
ABŞ bu il ərzində səfirliyini Qüdsə
köçürəcək. Bunu jurnalistlərə açıqlamasında İsrail
Baş naziri Benyamin Netanyahu söyləyib.
Qeyd edək ki, ABŞ Prezidenti Donald Tramp 6 dekabr 2017-ci ildə
ABŞ-ın İsraildəki səfirliyinin Qüdsə köçürülməsi ilə bağlı qərar
vermişdi. Bundan sonra açıqlama yayan ABŞ Dövlət Departamenti
səfirliyin köçürülməsinin 3 il çəkəcəyini bildirmişdi.
Vaşinqton Fələstin qaçqınlarına yardım edən BMT-nin
Yaxın Şərq Agentliyinə etdiyi ödənişləri azaltmaq haqqında qərar
qəbul edib. ABŞ-ın yardımlarının 125 milyon dollardan
60 milyona qədər endirildiyi bildirilir.
Bu məlumatı ABŞ Dövlət Departamentinin rəsmi nümayəndəsi Hizer
Noyert də təsdiqləyib. Onun sözlərinə görə, bu vəsait muxtariyyətin
saxlanılması üçün yetərli olacaq. O, ABŞ-ın Fələstin üçün yeganə
böyük donor olmaq istəmədiyini bildirib.
Qeyd edək ki, Fələstin bundan öncə İsraili müstəqil dövlət kimi
tanımadığını bəyan edib.
ABŞ-ın Rusiyaya qarşı ən güclü sanksiyaları yanvarın
29-da elan ediləcək. Bu haqda ABŞ-ın Rusiyadakı
səfiri Con Xantsman bildirib.
Neçə nəfərin ABŞ-ın yeni sanksiyalarına məruz qalacağına
gəlincə, səfir dəqiq cavab verməyib. O əlavə edib ki, yeni
sanksiyaların Rusiya-ABŞ münasibətlərinə təsir edəcəyi şübhə
doğurmur.
Böyük Britaniya Avropa Birliyinin üzvü olaraq
qalmalıdır. Bunu Avropa Parlamentində çıxışı zamanı
Avropa Komissiyasının rəhbəri Jan Klod Yunker söyləyib.
“Mən Britaniyanın AB-dən ayrılmasını fəlakət sayıram. Biz
istəyirik ki, onlar qalsınlar. Əgər onlar bunu istəsələr, o zaman
yeni imkan verilməlidir”, – deyə o bildirib.
Cənubi Koreya və Koreya Xalq Demokratik
Respublikasının (KXDR) nümayəndə heyətləri növbəti danışıqlar
başlayıb. Danışıqlarda Cənubi Koreyanın Pxençxan
şəhərində keçiriləcək Qış Olimpiya Oyunlarında KXDR idmançılarının
iştirakı imkanları və detalları müzakirə ediləcək. Danışıqlar
silahsızlaşdırılmış zonada yerləşən Pxanmundjom məntəqəsində
keçirilib.
Qeyd edək ki, KXDR-in olimpiadada iştirakı haqqında prinsipial
razılıq yanvarın 9-da əldə edilib.
Şimali və Cənubi Koreya Qış Olimpiya Oyunlarında
eyni bayraqla təmsil olunmaq barədə razılıq əldə
edib. Ölkələrin hansı bayraqla mötəbər yarışda təmsil
olunacağı bildirilməyib.
ABŞ-ın Cənubi Koreyanın Pxençxan şəhərində
keçiriləcək Qış Olimpiya Oyunları ərəfəsində (2018-ci ildə fevralın
9-dan 25-dək keçiriləcək - red.) Koreya Xalq Demokratik
Respublikasının lideri Kimdə Çen Ina təzyiqı artıracaq və onun
barəsində “yavaş-yavaş boğulma” siyasətini tətbiq
edəcək. Bunu hərbi ekspert Oleq Jdanov “Apostrof”
nəşrinə bildirib.
Ekspert ABŞ-ın dövlət katibi Reks Tillersonun dünən verdiyi
bəyanatı xatırladıb.
Trampın Kim Çen Inla bağlı planı MƏLUM OLDU
Ömər Dağlı
Xəbərin orijinal ünvanı: http://publika.az/news/nida_tehlil/228053.htmlŞahid olduğunuz hadisələrin video və ya fotosunu çəkərək bizə göndərin: 0552252950 (Whatsapp)