Bakı. 18 yanvar. REPORT.AZ/ ABŞ Suriyada yerli birləşmələrin hazırlığını davam etdirir, lakin söhbət "sərhəd qüvvələri" və ya yeni ordunun yaradılmasından getmir.
"Report" TASS-a istinadən məlumat verir ki, bu barədə Pentaqonun rəsmi saytı xəbər verib.
Pentaqonda qeyd ediblər ki, İŞİD-in məhv edilməsinə dair hərbi kampaniya sona çatmayıb. Yerli birləşmələr terrorçulardan azad edilən rayonlarda vəziyyətin sabitləşməsinə xidmət edir.
ABŞ-ın Müdafiə Nazirliyi həmçinin bildirib ki, Türkiyəni Suriyada İŞİD-in darmadağın edilməsi ilə bağlı hərəkətləri barədə məlumatlandırmaqda davam edir. Ankaranın Suriya-Türkiyə sərhədindəki narahatlığı başadüşüləndir. Vaşinqton özünün NATO-dakı müttəfiqini terrorçuluqla mübarizədə dəstəkləməkdə davam edir.
