Azərbaycan prezidenti İlham Əliyev Davos İqtisadi forumuna qatılacaq.
Publika.az forumun saytına istinadən xəbər verir ki, Prezident “Strateji perspektivlər: Avrasiya” panelindəki müzakirələrdə çıxış edəcək.
Müzakirələr yanvarın 23-ü, yerli vaxtla saat 17:00-da (Bakı
vaxtı ilə saat 20:00) keçiriləcək. Prezident İlham Əliyevlə yanaşı
sessiyada Gürcüstanın baş naziri Georgi Kvirikaşvili, Qazaxıstan
baş nazirinin müavini Erbolat Dosaev, Beynəlxalq Ticarət Mərkəzinin
direktoru Aranca Qonsales Laya, “The Foreign Policy Group”-un baş
redaktoru Conatan Tepperman, “VEON” şirkətlər qrupunun icraçı
direktoru Jan İv-Şarle çıxış edəcək.
Qeyd edək ki, Davos forumu yanvarın 23-26-da keçiriləcək.
