UEFA son üç mövsümdə Avropanın ölkələrinin çempionatlarında komanda sayı ilə bağlı dəyişiklikləri açıqlayıb

UEFA son üç mövsümdə Avropanın ölkələrinin çempionatlarında komanda sayı ilə bağlı dəyişiklikləri açıqlayıb
12:07 18 Yanvar 2018
63 İdman
Ölkə mətbuatı
A- A+

Bakı. 18 yanvar. REPORT.AZ/ UEFA son üç mövsümdə Avropa ölkələrinin yüksək liqalarında komanda sayı ilə bağlı baş verən dəyişiklikləri açıqlayıb.
"Report" qurumun rəsmi saytına istinadən xəbər verir ki, 2015/2016 mövsümü ilə müqayisədə ən böyük artım Bolqarıstan çempionatında müşahidə olunub. Bu ölkənin yüksək liqasında komanda sayı 10-dan 14-ə çatdırılıb. Ən böyük azalma isə Gürcüstanda qeydə alınıb. Qonşu ölkənin əsas liqasında iştirakçı sayı 14-dən 10-a enib.
Gürcüstanla yanaşı, Azərbaycan, Ermənistan, Litva, Ukrayna, Montoneqro, eləcə də Bosniya və Herseqovinada yüksək dəstə iştirakçılarının sayı azalıb. Bolqarıstanla bərabər, Belarus, Danimarka, Latviya, Makedoniya və Maltada isə artım qeydə alınıb.
Yüksək dəstəsində daha çox - 20 komanda olan 4 ölkə var: İngiltərə, İspaniya, Fransa və İtaliya. Ən aşağı göstərici isə Erməistandandadır - 6 komanda. Azərbaycanla yanaşı, Andorra, Litva və Latviya çempionatlarında da hazırda 8 komanda çıxış edir. 
Qeyd edək ki, 2015/2016 mövsümündə Azərbaycan Premyer Liqasında 10 komanda çıxış edib. Hazırda isə elita təmsilçilərinin sayı 8-dir. Ümumilikdə UEFA-ya üzv olan 55 assosiasiyanın yüksək liqalarında 713 klub yer alıb.


Xəbərin orijinal ünvanı: https://report.az/futbol/uefa-son-uc-movsumde-avropanin-olkelerinin-cempionatlarinda-komanda-sayi-ile-bagli-deyisiklikleri-aciqlayib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR