Bakı. 20 yanvar. REPORT.AZ/ Rusiyanın xarici işlər naziri Sergey Lavrov ABŞ-dan olan həmkarı Reks Tillerson ilə telefon danışığında Suriyanın şimalında sabitliyin təmin edilməsi və BMT himayəsi altında sülh danışıqlarına dair məsələləri müzakirə ediblər.
"Report" RİA "Novosti"-yə istinadən xəbər verir ki, bu barədə Rusiya Xarici İşlər Nazirliyi (XİN) məlumat yayıb.
"Telefon danışığında həmçinin beynəlxalq və ikitərəfli aktual məsələlərə toxunulub. Ölkələrin xarici siyasət rəhbərləri sıx şəkildə əlaqə saxlamağı qərara alıblar", - deyə məlumatda bildirilir.
Qeyd edək ki, telefon danışığı ABŞ dövlət katibinin təşəbbüsü ilə reallaşıb.
