Avropa İttifaqı Türkiyə Silahlı qüvvələri və Azad Suriya Ordusunun (ASO) Suriyanın Afrin bölgəsində həyata keçirdiyi əməliyyatla bağlı şərh verib.
Publika.az Türkiyə KİV-inə istinadən xəbər verir ki, Avropa İttifaqının xarici siyasət və təhlükəsizlik məsələləri üzrə ali komissarı Federika Moqerini əməliyyatla əlaqədar narahatlıq keçirdiyini bildirib.
“Bütün hərbi əməliyyatlar İŞİD terror təşkilatına qarşı yönəlməlidir”, - o deyib.
Qeyd edək ki, yanvarın 20-də başlayan “Zeytun budağı” əməliyyatın gedişatında 11 kənd YPG terrorçularından təmizlənib. Hərbi birliklər Afrində 8 kilometr irəliləyə biliblər. Bu gün isə Türkiyə Silahlı Qüvvələri Azezdən hücuma keçib.
Ömər Dağlı