Rəsmi Ankara Vaşinqtonun “Suriyada əməkdaşlıq” çağırışına çavab verib.
Publika.az “Anadolu” agentliyinə istinadən xəbər verir ki, Türkiyə baş nazirinin müavini Bəkir Bozdağ cavab olaraq “silahları toplayın” çağırışı edib.
“Əməkdaşlığın yolu bəllidir: silahların çatdırılmasını (PYD terror təşkilatına çatdırılan silahlardan söhbət gedir –red.) dayandırmaq və daha əvvəl verilən silahları toplamaq”, - hökumət rəsmisi bildirib.
Qeyd edək ki, ABŞ-ın dövlət katibi Reks Tillerson Türkiyənin terrorla mübarizə hüququnu tanıdıqlarını bildirib. Tillerson Türkiyə ilə birgə təhlükəsizlik problemlərini həll etmək üçün atılacaq addımları müəyyənləşdirmək istədiklərini vurğulayıb.
O, Türkiyə və ABŞ-ın Suriyanın şimali-qərbində təhlükəsizlik zonası nın yaradılması istiqamətindən birlikdə çalışacağına ümid etdiyini vilə gətirib.
Ömər Dağlı