Bakı. 24 yanvar. REPORT.AZ/ Lənkəran rayonunda avtomobilin vurduğu piyada xəstəxanada dünyasını dəyişib.
“Report”un Cənub bürosunun məlumatına görə, hadisə yanvarın 23-də şəhərin Füzuli küçəsində qeydə alınıb.
Belə ki, 1951-ci il təvəllüdlü Malikəjdər Qasımovu avtomobil vurub, sürücü yaralını Lənkəran Şəhər Mərkəzi Xəstəxanasına çatdırıb. Ancaq həkimlərin səylərinə baxmayaraq, onun həyatını xilas etmək mümkün olmayıb. M.Qasımov bu gün xəstəxanada dünyasını dəyişib.
Faktla bağlı araşdırma aparılır.