“2019-cu ildə Rusiya Donbasda Ukraynanın onsuz da çətin olan vəziyyətini daha da çətinləşdirə bilər”.
Publika.az xəbər verir ki, bu sözləri “Seqodnya” (“Bu gün”) nəşrinə müsahibəsində Üçtərəfli əlaqə qrupunun siyasi yarımqrupunda Ukrayna nümayəndəsi Roman Bezsmertnıy bildirib.
“Mən Ukrayna üçün daha mürəkkəb dövrü diqqətinizə çatdırmaq istəyirəm. Bu, 2019-cu ildir. Bu tarix Ukrayna prezident və parlament seçkiləri, həmçinin xarici öhdəliklərlə - Beynəlxalq Valyuta Fondunun ödəmələri ilə bağlıdır. Və görünür, bu haqdisələr Rusiyanın diqqətindən kənarda qalmayacaq”, - o əmin edib.
Qeyd edək ki, daha əvvəl politoloq, beynəlxalq hüquq mütəxəssisi, “Ukrayna Avropada” beynəlxalq təşkilatın vitse-prezidenti Vladimir Poselskiy “Apostrof” nəşrinə müsahibəsində deyib ki, 2018-ci il Rusiya üçün keçid ili olacaq, buna görə də Donbasda kəskin dəyişiklikləri gözləmək lazım deyil”.
Onun sözlərinə görə, Kreml münaqişəni dondurmağa çalışacaq.
