Bakı. 22 fevral. REPORT.AZ/ Xəzər rayonu Binə qəsəbəsinin bir hissəsində elektrik enerjisinin verilişində fasilə yaranıb. Qəsəbənin Atçılıq massivi adlanan yaşayış ərazisində təxminən 300-ə qədər abunəçinin işığı kəsilib.
“Azərişıq” ASC-nin mətbuat xidmətinin rəhbəri Tanrıverdi Mustafayev “Report”a açıqlamasında kəsintini əraziyə gedən yeraltı kabel xəttinin zədələnməsi ilə əlaqələndirib: “Kimsə həmin ərazidə qazıntı işləri aparıb və ehtiyatsızlıqdan qəsəbənin bir hissəsini qidalandıran yeraltı kabel xəttini zədələyib. Hazırda əməkdaşlarımız qəza yerindədir. Yaxın saatlarda əraziyə elektrik enerjisinin verilişi bərpa olunacaq”.
