Lənkəranda “Xocalı qətliamı uşaqların gözü ilə” adlı sərgi açılıb

Fevralın 24-də Lənkəran şəhərindəki Heydər Əliyev Mərkəzində Xocalı faciəsinin 26-cı ildönümü ilə əlaqədar “Xocalı qətliamı uşaqların gözü ilə” mövzusunda rəsm sərgisi açılıb.

Metbuat.az verir ki, sərginin açılış mərasimində Xocalı soyqırımı qurbanlarının, Azərbaycanın müstəqilliyi və ərazi bütövlüyü uğrunda şəhid olanların xatirəsi bir dəqiqəlik sükutla yad edilib.

Mərkəzin direktoru Reyhanə Sadıxova Xocalı faciəsinin Azərbaycanın tarixinə XX əsrin ən dəhşətli səhifələrindən biri kimi daxil olduğunu qeyd edərək, qətliam haqqında həqiqətlərin dünya ictimaiyyətinə çatdırılmasında ulu öndər Heydər Əliyevin misilsiz xidmətlərindən, Xocalı soyqırımına beynəlxalq aləmdə obyektiv qiymət verilməsi istiqamətində Heydər Əliyev Fondunun gördüyü işlərdən danışıb.

Sonda iştirakçılar uşaqların Xocalı soyqırımı ilə bağlı çəkdikləri rəsmlərlə tanış olublar.


Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR