Cənubi Koreyada keçirilən 2018 Qış Olimpiya Oyunlarında qalmaqallı hadisə baş verib.
Publika.az xəbər verir ki, kişilərin 1000 metrlik sürət yarışı yarışması əsnasında meydançaya bir kişi daxil olub və üzərində balerina ətəyi qalana qədər soyunub. O, sinəsində “sülh və sevgi” sözləri ilə rəqs etməyə başlayıb.
Həmin kişinin Böyük Britaniya vətəndaşı Mark Roberts olduğu bildirilib. Belə ki, o, tez-tez yarış meydanlarına icazəsiz girərək müxtəlif hərəkətləri ilə məşhurdur. Roberts açıqlamasında çılğın hərəkətlər etməyi və insanları güldürməyi sevdiyini bildirib.
O, bu zamana qədər 22 fərqli ölkədə 562 fərqli tədbirdə meydana çıxaraq belə şoular göstərib.
Zümrüd
