Fransada «Charlie Hebdo» nəşrinin redaksiyasına törədilən hücumu ilə bağlı cinayət işini araşdıran polis komissarı Elrik Fredu intihar edib. APA-nın “Gazeta.Ru”-ya istinadən verdiyi xəbərə görə, bu barədə “France 3” telekanalı məlumat yayıb.
Polis rəsmisinin açıqlamasına əsasən, Fredu iş otağında xidməti silahından özünə atəş açaraq intihar edib.
Məlumata görə, intihar etməzdən əvvəl o hücum zamanı redaksiyada həlak olan jurnalistlərdən birinin ailəsi ilə görüşüb.
İnsidentlə bağlı araşdırma aparılır.