Serbiya parlamenti qondarma erməni soyqırımının tanınmasına dair sənədi rədd edib.
Metbuat.az-ın məlumatına görə, qanunun müzakirəyə çıxarılması üçün ilkin səsvermə keçirilib. Lakin 139 deputat sənədin əleyhinə səs verib. Cəmi 7 millət vəkili qanuna dəstək olub. Bildirilir ki, qanun layihəsi müxalifətçi "Yeni Partiya"nın sədri Zoran Zivkoviç tərəfindən irəli sürülüb.
Qeyd edək ki, Serbiya parlamentində 8 il əvvəl də oxşar səsvermə keçirilmiş və deputataların əksəriyyəti qanun layihəsinə qarşı çıxmışdı.
Sübhan / METBUAT.az