Bu gün şahmat üzrə İddiaçılar Turnirinin doqquzuncu turu keçirilib.
Metbuat.az-ın məlumatına görə, azərbaycanlı qrossmeyster Şəhriyar Məmmədyarov tur çərçivəsində keçirilən oyunda Ermənistan nümayəndəsi Levon Aroyanla görüşüb. Oyun heç-heçə başa çatıb.
Turnir Berlində "Külxaus" sərgi mərkəzinin binasında keçirilir. Turnirin mukafat fondu 420 min avro təşkil edir.
Turnir martın 27-ə kimi davam edəcək. İştirakçıların göstəriciləri eyni olduqda, martın 28-də tay-brek keçiriləcək.
