Dərbənddə seyid qəbri ikinci dəfədir ki, dağıdılıb. Bu barədə Lent.az-a Dərbənd sakinləri məlumat veriblər. Bu gün törədilən cinayət azərbaycanlılar arasında məşhur olan Şıxsalah qəbiristanlığında baş verib. Hadisə nəticəsində azərbaycanlıların ziyarətgahı Seyid Mir Qafar Ağanın qəbri dağıdılıb. Hələlik hadisəni kimlərin törətdiyi bilinmir. Bu qəbir artıq ikinci dəfədir ki, dağıdılır.
Əhali arasında cinayətin kimlər tərəfindən törədilməsi ilə bağlı müxtəlif versiyalar səsləndirilir.