Bakıda qadına qarşı xuliqanlıq edilib. Lent.az-ın məlumatına görə, hadisə Xaqani küçəsi 19 ünvanının qarşısında baş verib. Polisə müraciət edən 1991-ci il təvəllüdlü Həsənova Xəyalə Nazim qızı bildirib ki, dekabrın 30-da saat 06 radələrində tanımadığı 4 nəfər kişi ona hücum edib.
Qadın əlavə edib ki, həmin şəxslər ona təpiklə xəsarətlər yetiriblər, həmçinin idarə etdiyi “Changan Eado XT” markalı avtomobilə zərbələr endiriblər.
Faktla bağlı araşdırmalar aparılır.
Milli.Az