Prezident İlham Əliyev əhalinin içməli su ilə təminatının yaxşılaşdırılmasına dair əlavə tədbirlər haqqında sərəncam imzalayıb.
Sərəncamda qeyd edilir ki, respublikanın 13 rayonunun ümumilikdə 45 min nəfər əhalisi olan 30 yaşayış məntəqəsində (siyahı əlavə olunur) içməli su ilə təminatın yaxşılaşdırılması üçün Azərbaycan Respublikası Prezidentinin 2018-ci il 22 yanvar tarixli 3593 nömrəli Sərəncamı ilə təsdiq edilmiş “Azərbaycan Respublikasının 2018-ci il dövlət büdcəsində dövlət əsaslı vəsait qoyuluşu (investisiya xərcləri) üçün nəzərdə tutulan vəsaitin bölgüsü”nün 1.48.11-ci yarımbəndində göstərilmiş məbləğin 12,5 milyon (on iki milyon beş yüz min) manatı "Azərsu" Açıq Səhmdar Cəmiyyətinə ayrılsın.
Nazirlər Kabinetinə sərəncamdan irəli gələn məsələləri həll etmək, Maliyyə Nazirliyinə sərəncamda göstərilən məbləğdə maliyyələşməni təmin etmək tapşırılır.
№ | Rayon | Yaşayış məntəqəsinin adı |
1 | Ağcabədi (Taxtakörpü) | Laçın obaları |
2 | Ağdam | Əfətli (Hacıturallı) |
Üçoğlan (Ballar) | ||
3 | Ağstafa | Köçvəli |
Yeni gün | ||
4 | Balakən | Sarıbulaq |
5 | Bərdə | Arabaçılar |
Hacılar | ||
6 | Göyçay | II Ərəbcəbirli |
7 | İsmayıllı | Zoğallıq |
8 | Quba | Ağbil |
Alekseyevka | ||
Möhüc | ||
Talabıqışlaq | ||
9 | Qusar | Aşağı Ləyər |
Samur | ||
10 | Lerik | Geskon |
Molalan | ||
Sors | ||
Şingədulan | ||
11 | Şəmkir | Tatarlı |
12 | Tərtər | Evoğlu |
Mamırlı | ||
Poladlı | ||
Təzəkənd | ||
13 | Tovuz | Cilovdarlı |
Əlimərdanlı | ||
Xatınlı | ||
Qaraxanlı | ||
Qədirli | ||
Cəmi: | 13 | 30 |
