Ukrayna prezidenti Pyotr Poroşenko Azərbaycanda keçirilmiş prezident seçkilərində qazanılan qələbə münasibətilə İlham Əliyevi təbrik edib.
Metbuat.az xəbər verir ki, bu barədə Ukraynanın dövlət başçısı özünün “Twitter” səhifəsində yazıb.
“Azərbaycanda keçirilən prezident seçkilərində qazandığı inamlı qələbə münasibətilə prezident İlham Əliyevi ürəkdən təbrik edirəm. Əminəm ki, Ukrayna-Azərbaycan strateji tərəfdaşlığı daha da möhkəmlənəcək”, - deyə Poroşenko bildirib.
Ukrayna prezidenti, prezident İlham Əliyevin Kiyevə səfərini səbrsizliklə gözlədiyini qeyd edib. 
