Saatlıda piyadanı vurub öldürməkdə şübhəli bilinən sürücü saxlanılıb.
Lent.az-ın DİN-in saytına istinadən məlumatına görə, aprelin 17-də Saatlı rayonunun Qara Nuru kəndi ərazisində müəyyən edilməmiş avtomobillə yolu keçən kənd sakini Habil Məmmədov vurulub.
Saatlı Rayon Polis Şöbəsinin əməkdaşlarının keçirdikləri əməliyyat tədbirləri nəticəsində yol-nəqliyyat hadisəsini törətməkdə şübhəli bilinən “Renault” markalı avtomobilin sürücüsü - İmişli rayon sakini Qədir Quliyev saxlanılıb.
Faktla bağlı araşdırma aparılır.
