Xəbər verildiyi kimi, Prezident İlham Əliyev Nazirlər Kabinetinin yeni tərkibini təsdiqləyib.
Uzun illər hökumətdə baş nazirin müavini postunu tutan Abid Şərifov da yola salınanlar sırasında oldu. Lent.az xəbər verir ki, A.Şərifov işdən çıxarılması ilə bağlı gununsesi.info-ya açıqlama verib: “Mən uzun illər dövlətə xidmət etmişəm. Bu mənim baş nazirin müavini kimi vəzifəm olub. Bu gün də sadə vətəndaş kimi dövlətimə, prezidentimə sədaqətlə xidmət edəcəm. Allah İlham Əliyevə can sağlığı versin. Bu gün uğurlarımız onun rəhbərliyi ilə qazanılıb”.
