“Adnan hoca” kimi tanınan “A9” kanalının sahibi Adnan Oktarın Həcc ziyarəti ilə bağlı dedikləri qalmaqal yaradıb.
Publika.az xəbər verir ki, bu dəfə "kedicikləri" deyil, gənc oğlanları başına toplayan din xadimi Həcc ziyarəti haqqında fikirlərini bölüşüb. Adnan Oktar nə üçün Həcc ziyarətinə gedən müsəlmanların yaşlı nəsil olmasına diqqət çəkərək deyib ki, insan Həccə gedəndən sonra mənəvi baxımdan ölür:
"Müsəlmanlar gənc yaşda həyatın bütün naz-nemətini dadmaq istəyir. Elə də olur. Həyatını ürəyin istədiyi kimi yaşayırsan, musiqilərə qulaq asırsan, içki içirsən və s. Amma Həcc ziyarətinə getdikdən sonra mənəvi cəhətdən və ruhən özünün öldürməyə məhkumsan. Özünə qapanmalısan, musiqi dinləməməlisən, dinə zidd olan heç bir davranışlara yol verməməlisən və s. Əslində din gərək insanın yaşantısını limitləməsin. Amma təəssüf ki, islamda belədir. Ona görə də, zəvvarlar arasında gənclər çox azdır, bəlkə də yoxdur. İnsanlar müəyyən yaşa çatdıqdan sonra artıq yaş olaraq öldüklərini düşünüb Həccə gedirlər".
Həmin video görüntüləri təqdim edirik:
Könül Cəfərli
