Azərbaycan Respublikasının Prezidenti İlham Əliyev
və Türkiyə Respublikasının Prezidenti Rəcəb Tayyib Ərdoğan arasında
görüş keçirilib.Ermənistanda kütləvi etiraz aksiyaları
yenidən başlayıb. Kreml Ermənistanda baş verənləri ölkənin daxili
işi adlandırıb.ABŞ Prezidenti Donald Tramp və Fransa
Prezidenti Emmanuel Makron arasında İranla yeni bir nüvə sazişinin
bağlanması barədə razılıq əldə olunub.
Ankarada Azərbaycan Respublikasının Prezidenti İlham
Əliyevin və Türkiyə Respublikasının Prezidenti Rəcəb Tayyib
Ərdoğanın təkbətək görüşü olub. Təkbətək görüş başa
çatdıqdan sonra Azərbaycan Respublikasının Prezidenti İlham
Əliyevin və Türkiyə Respublikasının Prezidenti Rəcəb Tayyib
Ərdoğanın iştirakı ilə Azərbaycan-Türkiyə Yüksək Səviyyəli Strateji
Əməkdaşlıq Şurasının VII iclası keçirilib.
İclas başa çatdıqdan sonra Azərbaycan Respublikasının Prezidenti
İlham Əliyevin və Türkiyə Respublikasının Prezidenti Rəcəb Tayyib
Ərdoğanın iştirakı ilə sənədlərin imzalanması mərasimi olub.
Azərbaycan-Türkiyə sənədləri imzalandı - FOTOLAR
“İnşallah, 24 iyun seçkilərindən sonra prezident
kimi ilk səfərimi Azərbaycana edəcəm”. Bu barədə
Türkiyə prezidenti Rəcəb Tayyib Ərdoğan bu gün Azərbaycan
prezidenti İlham Əliyevlə görüşdən sonra keçirilən mətbuat
konfransında bildirib.
Ərdoğan Prezident İlham Əliyevə prezident seçkiləndən sonra ilk
səfərini Türkiyəyə etdiyinə görə təşəkkür edib.
“Hörmətli Əliyev seçkidən sonra ilk səfərini Türkiyəyə etdi. Can
Azərbaycan inşallah bölgəsinin sabitlik abidəsi olaraq parlamağa
davam edəcək. Azərbaycanla birgə işləməyə davam edəcəyik və bu
məsələdə qərarımız bütövdür”, - deyə o bildirib.
“Həmişə Dağlıq Qarabağ problemini öz problemimiz
kimi görmüşük. Dağlıq Qarabağ münaqişəsinin ərazi bütövlüyü,
beynəlxalq hüquq prinsipləri çərçivəsində həlli
vacibdir”. Bu barədə Türkiyə prezidenti Rəcəb Tayyib
Ərdoğan bu gün Azərbaycan Prezidenti İlham Əliyevlə görüşdən sonra
keçirilən mətbuat konfransında bildirib.
“İyun ayının əvvəllərində TANAP-ın açılışını
edəcəyik”. Bu barədə Türkiyə prezidenti Rəcəb Tayyib
Ərdoğan bu gün Azərbaycan prezidenti İlham Əliyevlə görüşdən sonra
keçirilən mətbuat konfransında bildirib.
Ərdoğan qeyd edib ki, Cənub Qaz Dəhlizinin əhəmiyyətli hissəsi
olan TANAP bütün Avropanın enerji təhlükəsizliyində mühüm rol
oynayacaq.
“Azərbaycan Türkiyədə ən böyük investisiya yatıran
ölkəyə çevrilir”. Bu barədə Türkiyə prezidenti Rəcəb
Tayyib Ərdoğan bu gün Azərbaycan prezidenti İlham Əliyevlə görüşdən
sonra keçirilən mətbuat konfransında bildirib.
Ərdoğan qeyd edib ki, Türkiyə və Azərbaycanın iqtisadi və
ticarət əlaqələrinin daha da inkişaf etdirilməsi prioritet
məsələdir.
“Bu gün önəmli addım atdıq. Yaxın gələcəkdə yeni layihələr də
həyata keçirəcəyik. Təbii ki, ən önəmlisi iqtisadi sahədə yerli və
milli valyutaya keçişimiz olacaqdır”.
"Prezident seçkilərindən sonra ilk səfərimi qardaş
ölkəyə etdim. Bu təbiidir. Bir ənənədir və onu göstərir ki, bu gün
Türkiyə və Azərbaycan dünyada bir birinə ən yaxın olan
ölkələrdir". Bunu bu gün Azərbaycan prezidenti İlham
ƏliyevAnkarada Türkiyə prezidenti Rəcəb Tayyib Ərdoğanla görüşdən
sonra keçirilən mətbuat konfransında deyib.
İlham Əliyev bildirib ki, prezident seçkiləri qazandığı qələbəyə
görə onu ilk olaraq məhz Türkiyə prezidenti Ərdoğan təbrik edib:
"Məni ilk təbrik edən əziz qardaşım olub. 1 həftə əvvəl andiçmə
mərasimi keçirildi. İki gün əvvəl hökumətin formalaşması başa çatdı
və dünən mən Ankarada idim".
Dövlət başçısı Türkiyə və Azərbaycan qardaşlığının və
dostluğunun möhkəm olduğunu bildirib, bu birliyin çox böyük
gələcəyi olduğunu qeyd edib.
Ermənistanda kütləvi etirazların təşkilatçısı,
“Mənim addımım” təşəbbüsünün lideri, “Vətəndaş müqaviləsi”
partiyasının başçısı Nikol Paşinyanın rəhbərliyi ilə kütləvi etiraz
aksiyaları yenidən başlayıb. Buna səbəb Nikol
Paşinyanın Ermənistanın baş nazir vəzifəsinin müvəqqəti icraçısı
Karen Karapetyanla planlaşdırılan görüşünün ləğv edilməsi olub.
İrəvanın mərkəzi etirazçıların ƏLİNDƏ - Xalq qalib gəldi, baş nazir NİKOLDUR - CANLI YAYIM (YENİLƏNİR)
Zirehli texnika İrəvan küçələrində - Qəzəbli kütlə Sarkisyanın qalasına hücuma KEÇDİ - VİDEO
“Biz hakimiyyətə öz istəyimizi diqtə etdirməliyik.
Sarkisyanın istefası hələ inqilabın uğurla yekunlaşması demək
deyil. Ölkə rəhbərliyi bizim tələblərimizin hamısını qəbul
etməlidir. Ona görə də, günlərdir küçələrdə növbə çəkən
insanlarımızı vətəndaş itaətsizliyinə çağırıram”.
Bunu Yelk (Çıxış) fraksiyasının rəhbəri, Ermənistandakı küçə
hərəkatının lideri Nikol Paşinyan deyib.
Paşinyan erməni xalqını VƏTƏNDAŞ İTAƏTSİZLİYİNƏ çağırdı
Ermənistan prezidenti Armen Sarkisyan bu gündən
parlament və parlamentdən kənar siyasi güclərin nümayəndələri ilə
konsultasiyalara başlayır. Bu barədə prezidentin
verdiyi bəyanatda deyilir.
Prezident Ermənistanda kütləvi etirazların təşkilatçısı, “Mənim
addımım” təşəbbüsünün lideri, “Vətəndaş müqaviləsi” partiyasının
başçısı Nikol Paşinyanın və baş nazir vəzifəsinin müvəqqəti
icraçısı Karen Karapetyanla planlaşdırılan görüşün ləğv edilməsinə
görə təəssüfləndiyini bildirib.
“Tərəflər arası dialoqa start vermək fövqəladə dərəcədə
əhəmiyyətlidir. Təəssüflənirəm ki, danışıqlar kəsildi. Ölkəmiz və
gənc demokratiyamız ciddi imtahan qarşısındadır. Yaranmış
vəziyyətdən narahat olduğum üçün bu gündən vəziyyətin müzakirəsi və
çıxış yolları üçün parlament və parlamentdən kənar güclərlə
konsultasiyalara başlayıram. Ümid edirəm ki, birgə səylər və
qarşılıqlı anlaşma yolu ilə həllin mümkün yollarını tapmağı
bacaracağıq”, - bəyanatda qeyd edilir.
Çiçəklənən Ermənistan Partiyasının sədri Qagik
Çarukyanla məşhur rusiyalı milyarder Samvel Karapetyan arasında
görüş baş tutub. Bu barədə informasiyanı “1in.am”
saytı yayıb. Karapetyanın Çarukyana baş nazir postunu və Respublika
Partiyası ilə koalisiya hökuməti yaratmağı təklif etdiyi
bildirilir.
Çarukyan bu təklifi rədd edib və etirazlara qoşulub.
“Kreml əvvəlki kimi Ermənistandakı vəziyyəti
izləməyə davam edir və ümid edir ki, tərəflər yaxın vaxtlarda
razılığa gələ biləcək”. Bu haqda Rusiya prezidentinin
mətbuat katibi Dmitri Peskov jurnalistlərə bildirib.
“Mənə əvvəl deyilmiş sözlərə heç nə əlavə etmək istəmirəm.
Əvvəlki kimi hesab edirik ki, bu, Ermənistanın daxili işidir və
ümid edirik ki, erməni dostlarımız vəziyyəti nizama sala, yaxın
zamanlarda razılığa gələ biləcəklər. Biz vəziyyəti çox diqqətlə
izləməyə davam edirik", - Peskov deyib.
Türkiyədə 24 iyun tarixində keçiriləcək Prezident
seçkiləri üçün mübarizə aparan siyasi partiyalar arasında vəziyyət
gərginləşməyə başlayıb. Səadət Partiyasının(SP) sədri
Temel Karamollaoğlu Abdullah Gülü növbəti dəfə prezident
seçkilərində namizəd olması üçün razı saldığını deyib. Onun bu
məsələdə CHP sədri Kamal Kılıçdaroğlu ilə həmfikir olduğu
bildirilir.
Lakin bu, İYİ Partiyasının lideri Meral Akşenerin ciddi
narahatlığa səbəb olub.
Türkiyədə partiyalar arasında GƏRGİNLİK: "Gül üçün meydandan çəkilməyəcəm"
Cümhuriyyət Xalq Partiyasının (CHP) parlament
qrupunun sədr müavini Özgür Özəl Türkiyənin 11-ci prezidenti
Abdullah Gülün 24 iyunda keçiriləcək prezident seçkilərində
müxalifətin vahid namizədi olacağı barədə iddiaları şərh
edib. Millət vəkili Gülün adının gündəmdə olmadığını
deyib.
“CHP-nin gündəmində Abdullah Gül deyə bir ad olmadı, indi də
yoxdur, olmayacaq da”, - o bildirib.
Türkiyənin Xalqların Demokratik Partiyası (HDP)
partiyanın keçmiş həmsədri Səlahəddin Demirtaşın prezidentliyə
namizəd olması haqda qərar qəbul edib. Demirtaş
namizəd olmağa razılaşıb.
Qeyd edək ki, iyunun 24-də Türkiyədə növbədənkənar prezident
seçkiləri keçirilməlidir. Namizədin kimliyi ən geci mayın 1-nə kimi
müəyyən edilməlidir.
ABŞ Prezidenti Donald Tramp və Fransa Prezidenti
Emmanuel Makron arasında İranla yeni bir nüvə sazişi bağlanması
barədə razılıq əldə olunub. Tramp və Makron yeni
sazişlə İranın nüvə proqramını nəzarətdə saxlamaqla bərabər,
Tehranın bölgədəki təsirini də azaltmağı hədəfləyib.
“Prezident Trampla görüşlərimizin yeni bir sazişin imzalanmasını
mümkün etdiyini düşünürəm. Bölgədəki qüvvələrlə birlikdə, Rusiya və
Türkiyənin də bu prosesə daxil olmasını istəyirik”, - Makron
bildirib.
Ömər Dağlı
Xəbərin orijinal ünvanı: http://publika.az/news/nida_tehlil/238836.htmlŞahid olduğunuz hadisələrin video və ya fotosunu çəkərək bizə göndərin: 0552252950 (Whatsapp)