ARB Ulduz-un “Virtual həyat” proqramının növbəti qonağı
müğənni Sevda Yahyayeva olub.
Publika.az xəbər verir ki, saçlarının rəngini
dəyişən ifaçı yeni obrazı haqqında danışıb:
“Bir müddət idi ki, uzun saçlı qız idim. Hazırda saçım bu cürdür. İki gündən sonra bilmirəm ki, necə olacaq. Stilist Anar Ağakişiyev mənim üçün maraqlı bir saç düzümü fikirləşib. Həmin stil üçün biraz qaralmalıyam. Hər gün soruşur ki, qaralırsan? Deyirəm, yox.
Dostlarım da deyir ki, bu saç sənə yaraşır. Belə qısa saçlarla
özümü çox rahat hiss edirəm. Hələ ki, beləyəm, sonra nə olacaq deyə
bilmərəm”.
Özü bəyənmədiyi mahnını tamaşaçısına da dinləməyi rəva
bilməyən müğənni, yaxşı bəstəkarlar olsa da, yaxşı mahnıların
azlığından şikayətləndi.
“Müxtəlif mövzu və janrlarda mahnılar olub. Göndəriblər, qulaq
asmışam. Özüm bəyənmədiyim mahnını heç vaxt ifa etmirəm. Onsuz da
səni toya, tədbirə çağıran, sənin ifanı bəyənirsə, dəvət edəcək.
Bəyənmirsə, nə edirsən et, bəyənməyəcək. Ona görə də tamaşaçılara
yaxşı mahnı təqdim etmək lazımdır.
Yaxşı mahnı demək indi o qədər çətindir ki. Yaxşı bəstəkarlarımız
var. Bəzilərinin yanına hələ ki, getməmişəm. Ətrafımda olan
dostlarım da mahnı bəstələyir. Hazırda istədiyimi tapmamışam.
Yazın, göndərin mənə, yaxşı mahnıya ehtiyacım var”.
