Azərbaycan, Bakı, 12 yanvar/Trend, müxbir Hüseyn.Vəliyev/
2014-cü ildə Azərbaycanın internet bazarında Google axtarış sistemini payı 1,06 faiz azalıb. Trend-in məlumatına görə, bu barədə "Global Stats" statistika mərkəzinin yaydığı hesabatda deyilir.
"Google" Azərbaycanda ən populyar axtarış sistemidir, onun bazardakı payı 87,54 faizdir. 2013-cü illə müqayisədə "Google" axtarış sisteminin istifadəçiləri 0,62 faiz azalıb.
Ötən il ölkədə "Yandex" axtarış sistemi istifadəçilərinin sayında 31 faiz artım qeydə alınıb. "Yandex"-in Azərbaycanda payı 4,27 faizdir ki, bu da 2013-cü ilə nisbətən 34,27 faiz çoxdur.
Siyahıda sonrakı yerləri bing (4,05 faiz), mail.ru (1,16 faiz) servisləri və digərləri tutur.
Məqalə müəllifi ilə əlaqə ünvanı: agency@trend.az
