İraqın paytaxtı Bağdadda partlayış baş verib.
Publika.az "RİA Novosti"yə istinadən xəbər verir ki, insident İraq Kommunist partiyasının mənzil-qərargahının qarşısında qeydə alınıb.
İlkin məlumata əsasən, partlayış nəticəsində 3 nəfər yaralanıb. Partlayışa görə məsuliyyəti hələ ki, heç bir qruplaşma öz üzərinə götürməyib.
Qeyd edək ki, İraq Kommunist partiyası ölkədə keçirilən parlament seçkilərində qalib gələn “Sayrun” blokunda təmsil olunub.