Daxili İşlər Nazirliyi Xəzər rayonunda 3 nəfərin ölümü ilə nəticələnən ağır yol-nəqliyyat hadisəsi ilə bağlı məlumat yayıb. Lent.az-ın nazirliyinin mətbuat xidmətinə istinadən məlumatına görə, yanvarın 11-də saat 19 radələrində Xəzər rayonu ərazisində Bakı şəhər sakinləri Rəşad Nurullayevin idarə etdiyi “VAZ-2106” və Zabit Mayılovun idarə etdiyi “Renault” markalı avtomobillər toqquşub. R.Nurullayev və sərnişini Elçin Əliyev, habelə Z.Mayılovun Telman adlı şərnişini hadisə yerində ölüb, özü isə xəstəxanaya yerləşdirilib.
Faktla bağlı araşdırma aparılır.