İranın Kirmanşah əyalətində 5,9 maqnitudalı zəlzələ nəticəsində xəsarət alanların sayı 287 nəfərə çatıb.
APA-nın “Tasnim” agentliyinə istinadən verdiyi xəbərə görə, bu barədə əyalətin qubernatoru Hüşənd Bəzvənd bildirib.
Onun sözlərinə görə, zəlzələ 43 kəndə ziyan vurub, 101 bina tamamilə, 800-dən çoxu isə qismən uçub. Hazırda zəlzələnin fəsadlarının aradan qaldırılması üzrə işlər davam etdirilir.
*** 12.23
Bu gün yerli vaxtla səhər saat 09.37 radələrində İranın Xormozqan əyalətindəki Ruydar şəhərində 5,7 bal gücündə zəlzələolub.
APA-nın İRNA agentliyinə istinadən verdiyi məlumata görə, bu barədə Tehran Universitetinin Geofizika İnstitutunun Seysmoloji mərkəzi məlumat yayıb.
Zəlzələnin ocağı 8 km dərinlikdə, Bəndər Abbas şəhərindən 130 km uzaqlıqda olub. Zəlzələ rayonuna həkim qrupu və xilasedici briqada göndərilib. Dağıntı və tələfat barədə hələ məlumat daxil olmayıb.
Qeyd edək ki, 12 noyabr 2017-ci ildə İranın qərbində Kermanşah əyalətində 7,3 bal gücündə zəlzələ olub, 600-dən çox insan ölüb.
